لن تجدي سعادتك بليلة رومنسيه

كثيرا مايتردد على اذهان كل متزوجه كيف احقق سعادتي الحقيقيه مع زوجي كيف امتلك قلبه وتفكيره ماهي الطريقه التي اصل بها الى قلبه واتربع على عرشه000كيف اجعل زوجي لايرى ولايسمع ولايحب الا انا؟؟؟؟ ولكن رغم ذلك ورغم ماتقيم الزوجه من احتفالات وشموع وليالي حمراء وصفراء وبيضاء بحجه تقريب زوجه الها تجد نفسها بالنهايه بلانتيجه وتعود للمنتديات من جديد وتبحث عن شي اخر وفكره جديده علها تجد شي تفعله لتحقق لنفسها السعاده مع زوجها0000 نسيت بكل بساطه ان السعاده مصدرها القلب والمحبه تخلق بين الطرفين احيانا من العدم مثال (عندك زوجه ماتسوي شي لزوجها ابد ولاحفله ولاهدايا ولا حتى لبس ولامكياج ولارومانسيه ابد وتجدينه يحبها ومتعلق جدا فيها وكانها معيشته بجنه00 وعندك العكس زوجه جميله همها حفلات وهدايا وحركات ورغم هاذا زوجها موشايفها ومومعبيه عينه ابد) فعلى اساس هاذا المثل نستنتج فعلا ان المحبه الزوجيه اساسها العاطفه فقط اذا كان الحب متواجد فلوكنتي ابشع الناس راءك الاجمل واذا انعدم الحب خلقت العيوب وراءى فيك كل ماهوسيء حتى ولو لم يوجد فيك شي اذن الرجل لاينتظر منك حفله اوهديه لكي يحبك00لاينتظر لبس جديد ع الموضه وميك اب اخر صيحه حتى يراك جميله ويتعلق بك الرجل يحب جمال الروح 00الابتسامه الطيبه 00الاخلاق الساميه00الاحترام هاذي هي العاطفه التي ينتظرها زوجك منك لااقول لك ان الحياه الزوجيه تنتهي بانتهاء العاطفه اوانعدام الرومنسيه ونحكم عليها بالفشل اجعلي هناك مبدأ اقنعي نفسك بوجوده كلما احسستي بان حياتك تعتبر فاشله كوني على قناعه إن الفشل والنجاح متقلبان في الحياة الزوجية، بمعنى أن الزواج قد يبدأ ناجحا ثم يفشل، أو يبدأ فاشلا ولكن الزوجين يتخذان الأسباب، ويعالجان الفشل؛ فتنقلب حياتهما نجاحا. وهذا هو المطلوب، العبور بالزواج إلى بر الأمان. وأعلى درجات النجاح أو السعادة في العلاقة الزوجية هي: أن يكون النجاح في الدنيا والآخرة. فدستور الحياة ثلاث نقاط: - الحوار - الحب - التضحية فقدر مايكون الحب والتفاهم والتضحيه يكون هناك انسجام بين الزوجين (هاذي هي معادله العلاقه الزوجيه باختصار) اذا بحثتي عن الحب بطرق جانبيه ونسيتي االاهم والاساس لن تحصلي على شي ابدءي بالاهم 000حولي المك الى سعاده00اجعلي المحنه منحه لك00فالرضا بالقضاء والقدر قادر على جعلك سعيده انظري الى مشاكلكم بغير تعقيد؛ فالتجارب تدلنا على أنه كلما سهلنا الصعب وبسطنا المعقد؛ كان الأمر سهلا ميسرا، فلا نبالغ في الوصف والشكوى، ولا نظلم تاريخ العلاقة الزوجية، وما انقادت الآمال إلا لصابر - عقد جلسة مصارحة في مكان مناسب، ووقت مناسب، ونفسية متهيئة للاستماع، وكلمات رقيقة بعيدة عن الاتهام والتشهير. فكم من مشكلة تم حلها وعلاجها بسبب جلسة مصارحة ووئام!، فكل شيء يمكن إخضاعه للمناقشة، وكما قيل: "الصراحة راحة". هاذا سر من اسرار السعاده الحقيقيه صدقيني القلب هو مصدر سعادتك، وليس البنك ولا المعدة.ولاالهدايا ولا الحفلات00 إن الكوخ الذي تضحك فيه المرأة خير من القصر الذي تبكي فيه. والمرأة السعيدة هي من تجد رجلا تحبه ويحبها ولكي تقتنعي اكثر هاذي تجربه من قريبه لي اسمها(ن) تقول تزوجت ولي عشر سنوات واكثر عشت ببدايه حياتنا عيشه بسيطه كنت مااعرف لاحركات ولا رومنسيات ولاهدايا ولاكشخه ولاميك اب00كنت على نياتي امشي عالنيه واعامل زوجي بما يرضى الله مستاجرين بيت على قدالحال وعايشين مستورين ولله الحمد 00صح ان العيشه بسيطه وماكان في اي شي مميز اوشي يخلينا نتعلق ببعض بس سبحان من يزرع المحبه في القلوب مرت 8سنوات وخلفنا اطفال 00كانت قمه سعادتنا لما نلتف على سفره وحده مع بعض ونطلع مع بعض ونجلس بحديقه ومعانا شاي وقهوه ونسولف ونضحك ونلاعب اطفالنا 00كنا بقمه سعادتنا وبعد هاذي ال8سنوات تقول جاني بخبر انه مجمع فلوس وناوي يشتري بيت ملك لنا بافخم حي وانه بيشارك بشركه سيارات فخمه (يعني يسير مؤجر للسيارات بنسبه من المال )يعني شغل مكسب00تقول كنت فرحااااااااااااااانه ابي اهب على وجه الدنيا واعيش زي ماكل الناس عايشين لاني باعتقادي انه حياتي هاذي تعتبر تحت الارض وانه حنا موعايشين زي الناس تقول نقلنا لبيتنا الجديد اثثنا احسن اثاث وهويشتغ بالشركه الجديده ويحقق ارباح 00بالبدايه صار يبعد عالبيت كثير بحكم عمله بالشركه لانها شركه تاجير فمفتوحه على طول يعني احيانا يغيب بالليل ومره بالنهار 00ومع مرور سنه زاد التباعد بشكل فظيع صرنا مانجتمع على سفره وحده الا وين وين00ولانطلع الافي الشهور مره يمكن وفاجاءني بيوم لما اشتكيت بانه بعيد عنا وماعاد نقضي مشاورينا ونواقصنا قال راح اجيب سواق ووين ماتبين يوديك000مع انه اول كان غيوووووووووووووووور حتى العبايه يدقق عليها 00تقول رحت بالبدايه قلت يمكن يبي يمتعنا اكثر انا واولاده عشان هومشغول 000تقول صرنا نروح مع السواق نقضي اغراضنا ولاولاد يروحون مع السواق للمدرسه 00وحتى التماشي تخيلوا صار يقول خلي السواق يوديكم الحديقه اوالاملاهي000 طبعا انا في البدايه انبهرت بالحريه اللي انا فيها وماانتبهت انه زوجي كل فتره يبعد اكثر واكثر عنا000فرحت بانه كل شي مهيء نا 00سوق 00طلعات00تماشي بس متى صحيت وفقت بعد ماكتشفت خيانه زوجي (مادري وش كشفت بالضبط اهم شي عرفت انه يخونها)واقنعها بالعكس طبعا000وصار يطلع من البيت5 العصر يرجع اليوم الثاني 9الصباح كانت منهااااااااااااااااااااره بقوه وكثره مشاكلهم 00حتى اولاده صاروا مايشوفونه لايامم وهم بنفس البيت000المهم قالت انا اعر وشلون ارجعه لي بالاسلوب السحري الجديد000انه بنزل السوق وبشتري اجمل واكشخ الملابس وبغير قصه شعري وطريقه مكياجي واصبغ واسوي رجيم واسوي له ليله رومانسيه والله اكيد راح يرجع ينهببببببببببببببل علي طبعا هوكان يرمي لها الفلوس باي وقت تبي والى الان اهم شي يفتك منها موعشان يحبها عشان يغريها بالفلوس وبالاسواق وانه مومقصر معاها فيخليها مروقه عشان هوياخذ راحته000 راحت تشتري وتسوي وتغيرت كثيييييييييييييييييييييييير صارت تحاكي الموضه تغير كل شوي لون00كل شوي بالسوق 00جابت شغاله عشان تهتم بنفسها اكثر وبرضه مافي فايده ابد (والى الان مازالت على حالها) تدرون اش قالت من فتره لي تقول كل الناس تحسدني على البطره اللي انا فيها وكيف تبدلت حياتي للاحسن مايدرون باللي بالقلب 00يشوفونه يصرف علي -جايب لي شغاله-معطيني راحتي بالخرجات- بس والله اني موسعيييييييييييده ابدا معاه واتمنى اني ارجع لذيك الحياه البسيطه مستعده اخسر هالفلوس اللي يعطيني اياها وارمي الشغاله وارجع اتعب واشتغل واتنازل عن السواق والطلعه بس يرجع لي مثل اول ماقدرت ارجعه لابلبس لابحفه لابهديه ولاباي شي -حاولت اعيش السعاده بس مالقيتها اكتشفت اني كما قال سلمان العوده( المرأة التي لم تدغدغ أنامل الحب عواطفها هي تربة لم يشقها المحراث، إن لم ينبت فيها الزرع والثمر، رعت فيها الحشرات والهوام) اتمنى ارجع لعشي البسيط 00لسفرتنا المتواضعه --لرومنسيتنا الهبلا (على قولتهم الحين على حركات زمان انها هباله)ودي ارجع اعيش على نياتي بدون مااختلق ش ي وهويرجع يشوفني مثل اول سويت اللي مايتسوى في نفسي حتى يشوفني ويترك عنه درب الخيانه بس مافي نتيجه واصلا كنت زمان مااسوي شي وعلى طبيعتي وماكان يناظر حد غيري 00فعلا سبحان من يخلق الحب من العدم انتهت القصه بالنسبه لنا ولكن هي مزالت عند(ن)مستمره دعواتكم لها فهي تعز علي كثير فمااريد ان اوصله لاذهان كل اخت لي هنا انه إذا كنتي تعتقدين أنه لك أن تكوني أفضل مما أنت عليه كي تكوني سعيده وتحبي نفسك ، فأنت بذلك تفرضي شروطاً مستحيلة على نفسك حبي ذاتك كما هي اتغيري ولاتبالغي حتى تستجدي المحبه من زوجك 00عيشي بنيه صادقه واضمن لك المحبه الصادقه باذن الله إن تحقيق السعادة ليس في تحقيق الكمال أو الثراء أو الوقوع في الحب أو امتلاك سلطة أو نفوذ 0اوالسخاء في تقديم الهدايا والحفلات--السعاده تخلق وان لم توجد هذه المكملات 00توجد اذا تواجد الاساس وهو(جمال الروح) واحب ان اضيف لكلامي نقطه مهمه لاتنتظري من زوجك ماديات ولاحفلات حتى يثبت مدى حبه فمانفع هاذا كله اذا كان مبني على مجامله اوعلى تقليد 00انتظي الحب والكلمه الطيبه والاحترام والمعاشره الحسنه عندها فقط تكتمل حياتك وتحققين السعاده الكافيه